• vtem news box

བོད་ཡིག་བྲི་ཀློག་རྩལ་སྦྱོང་སྟངས་བསམ་ཚུལ་གླེང་བ།

༄༅། །མཚན་དང་དཔེ་བྱད་བཟང་པོས་སྤུད་པའི་སྐུ། །ཡིད་ཅན་ཉོན་མོངས་འཇོམས་མཛད་ཚངས་དབྱངས་གསུང་། །
བྱམས་དང་བརྩེ་བའི་ཕ་མཐར་སོན་པའི་ཐུགས། །མངའ་བའི་ཟླ་མེད་ཐུབ་པར་དད་ཕྱག་སྤུངས། །
བརྡ་སྤྲོད་ཕྱི་མོ་སུམ་རྟགས་དག་གསུམ་ལ། །བརྟེན་ནས་གངས་ཅན་སྐད་ཡིག་བྲི་ཀློག་གི །
ཚུལ་ལ་རང་རྐྱ་འཕེར་བའི་ཐབས་ལམ་གྱི། །གོ་རིམ་བསླབ་ཚུལ་ཅུང་ཟད་བཤད་པར་བྱ། །
དེང་གི་དུས་འདིར་རང་རེ་བོད་ཀྱི་སྐད་ཡིག་གི་གནས་ཚད་ཉམ་དམས་སུ་འགྲོ་བཞིན་ཡོད་པ་ཕྱོགས་ཀུན་ནས་མྱོང་ཚོར་དང་། སྤྱི་སྒེར་ཀུན་གྱིས་གླེང་བཞིན་ཡོད་ནའང་། ཉམས་པ་སོར་ཆུད་དང་མི་ཉམས་གོང་དུ་འཕེལ་བའི་ཐབས་ཚུལ་ཇི་དགོས་སྨྲ་བ་ཉུང་ལ། སྒྲུབ་པ་ནི་དེ་བས་དཀོན། དེ་བཞིན་དུ་ཉམས་ཆག་ཏུ་འགྲོ་བའི་རྒྱུ་རྐྱེན་ཇི་ཡིན་རྩད་བཅད་དེ་ཉམས་པ་སོར་ཆུད་པའི་ཐབས་འདི་དང་འདི་ཡིན་ཞེས་སྟོན་མཁན་ནི་ཉིན་མོའི་སྐར་མ་ཙམ་དུ་ཟད།

Read more...

སློབ་གསོའི་མཚན་ཉིད་དང་ངོས་འཛིན་སྐོར་གླེང་བ།

སློབ་གསོ་ནི་མིའི་རིགས་སྤྱི་ཚོགས་ཀྱི་འཕེལ་རིམ་ནང་དུ་མེད་དུ་མི་རུང་བའི་བྱང་སེམས་དང་ཤེས་རིག་འཕེལ་བའི་ཐབས་ལམ་ཉག་གཅིག་དང་འཇིག་རྟེན་ལ་ཕན་ཡོན་དང་བདེ་སྐྱིད་སྐྲུན་པའི་རྩ་བའི་ཆ་རྐྱེན་དུ་ངེས་ཕྱིར།མི་རིགས་གང་ཞིག་དང་རྒྱལ་ཁབ་གང་ཞིག་གི་དངོས་པོའི་འཕེལ་རྒྱས།བསམ་བློའི་ཆུ་ཚད་སློབ་གསོར་ཁ་བྲལ་མི་རུང་ཞིང་།མི་ཚེའི་ལྟ་ཚུལ་དང་འཇིག་རྟེན་ལྟ་ཚུལ་སོགས་ཀྱང་སློབ་གསོ་དང་བྲལ་མི་རུང་བ་ཉ་ལ་ཆུ་ཡི་དཔེ་ལྟར་མཐོང་སྲིད།སྤྱི་ཚོགས་འཕེལ་རིམ་ཁྲོད་སློབ་གསོ་ཞེས་པའི་ཐ་སྙད་འདིའི་འཇུག་གཞིའི་ནང་དོན་ལ་འགྲེལ་རྒྱག་སྟངས་མི་འདྲ་བའི་དབང་གིས་སློབ་གསོར་བཞག་པའི་མཚན་ཉིད་དང་ངོས་འཛིན་ཀྱང་སོ་སོ་ཡིན་ནོ།།

Read more...

ཨ་རིའི་ཕུལ་བྱུང་དགེ་རྒན་གྱིས་འདི་ལྟར་སློབ་ཁྲིད་བྱེད་ངེས།

སྤེལ་དུས།༢༠༡༤ -༡༠ -༢༧ཡོང་ཁུངས།ཧྲང་ཧེའི་སློབ་གསོ།  རྩོམ་པ་པོ། བསོད་རྡོར།

ཧྲང་ཧེ་སློབ་གསོ་སྤྱི་གཉེར་ཚགས་པར་སྟེང་སློབ་གསོའི་དུས་དེབ་གཙོ་གཉེར་གྱིས་ཨ་རིའི་ལོ་མཇུག་སྤྱི་སྡོམ་ཕུལ་བྱུང་
དགེ་རྒན་ཀྲུང་གོ་རུ་བསྐྱོད་པ་ཅེས་པའི་ལས་འགུལ་ཟླ་༩བའི་ཚེས་༢༣ཉིན་ཧྲང་ཧེ་རུ་འདུ་ཚོགས་གནང་བ་རེད།

ཨ་རིའི་དགེ་རྒན་བཞིས་གང་ཞིག་གསུངས་པ་ཡིན་ནམ། ཚོགས་ཁང་དུ་དགེ་རྒན ༡༤༠༠ ཙམ་འདུས་ཤིང་དགའ་སྤྲོ་ཡི་དགོད་སྒྲས་ཡོངས་སུ་ཁེངས། ཚང་མའི་ལག་ཟུང་གི་ཐལ་མོ་རྡེབ་སྒྲའང་བར་མེད་དུ་གྲགས་པ་བྱུང་། དོན་སྙིང་ཅི་ཞིག་བཤད་པ་ཡིན་ནམ།

 ལི་པེ་ཁ་མེ་ཡོ་ཇི། ཨ་རིའི་༢༠༡༢ལོའི་ལོ་མཇུག་གི་ཕུལ་བྱུང་དགེ་རྒན།
རང་ཉིད་ནས་སློབ་མར་འཛིན་པའི་ཡིད་ཆེས་ནི་ཚད་ཐིགས་མེད་པ་ཞིག་ཡིན།

Read more...

སློབ་ཆུང་སྐབས་སུ་སྐར་གྲངས་ལས་དཔེ་ཀློག་གལ་ཆེ།

སྤེལ་དུས། ༢༠༡༤-༡༡-༠༩ ཡོང་ཁུངས། བོད་ལྗོངས་དྲ་བ། རྩོམ་པ་པོ། སྒྲོལ་མ།

tib-art1སྤྱིར་ན། ལོ ༠ ནས ༦ བར་ནི་བྱིས་པའི་གོམས་གཤིས་ལེགས་པོ(བསམ་པ་དང་བྱ་བའི་ཀུན་སྤྱོད)ཆགས་པའི་གནད་འགག་གི་དུས་སྐབས་ཤིག་དང་། ཕྱོགས་གང་ཐད་ཀྱི་ནུས་པ་འཕེལ་རྒྱས་འབྱུང་བའི་གོ་སྐབས་ཡག་ཤོས་ཤིག་ཡིན་ལ། འདིའི་སྐབས་སློབ་སྦྱོང་གི་ནུས་པ་འཕེལ་རྒྱས་གཏོང་རྒྱུ་ནི་ཆེས་གལ་ཆེ་བའི་དོན་དག་ཅིག་ཡིན། དེ་ནི་དཔེ་ཀློག་གི་ནུས་པ་སྐྱེད་སྲིང་བྱེད་པ་བརྒྱུད་ནས་བརྒྱ་ཆའི ༩༠ དང་ཡང་ན་དེ་ལས་ལྷག་པ་འཕེལ་བར་བྱེད་ཐུབ།

འོན་ཀྱང་དཔེ་ཀློག་གི་ནུས་པ་ནི་ཆ་རྐྱེན་གཉིས་ཚང་བའི་འོག་འཕེལ་རྒྱས་སུ་གཏོང་ཐུབ། གཅིག་ནི་རྒྱུན་འཁྱོངས་བྱེད་པ་དེ་ཡིན་པ་དང་། ཉིན་རེར་དཔེ་ཀློག་གི་དུས་ཚོད་ངེས་ཅན་ཞིག་གཏན་ཁེལ་བྱེད་དགོས་ཤིང་། ཀློག་འདོད་ཡོད་དུས་ཀློག་པ་དང་ཀློག་འདོད་མེད་དུས་མི་ཀློག་པ་ཙམ་གྱིས་གོམས་གཤིས་ལེགས་པོ་དེ་ཆགས་མི་ཐུབ། གཞན་ཞིག་ནི་དཔེ་ཀློག་ཚད་ངེས་ཅན་ཞིག་བྱེད་དགོས་ལ། སྤྱིར་བཏང་དུ་བྱིས་པ་ཞིག་གི་དཔེ་ཀློག་གི་ཚད་ལ་ཡིག་འབྲུ་ཁྲི་ཚོ ༥༠ནས ༡༠༠ཡོད་ཚེ་ཆེས་ཐོག་མའི་དཔེ་ཀློག་གི་ནུས་པ་འབྱུང་སྲིད།

Read more...

བར་ཁཱ། (Barkhaa)

འཛིན་རིམ་དང་པོ་གཉིས་པའི་སློབ་ཕྲུག་ཚོའི་ཐེམ་པ་རིམ་འཛེགས་ཀྱི་དཔེ་ཀློག་དེབ་ཕྲེང་། 

ཕྲུ་གུ་ཚོས་མིང་ཚིག་མང་པོ་ཞིག་གི་གོ་དོན་འཛིན་རིམ་དང་པོའི་ནང་འཛུལ་ཞུགས་མ་བྱས་གོང་ནས་ཤེས་ཀྱི་ཡོད། དེ་བཞིན་ཁོང་ཚོས་དངོས་པོ་གང་ཞིག་ཉམས་མྱོང་དང་འབྲེལ་བའི་ཐོག་ནས་ངོས་འཛིན་ཐུབ་པར་མ་ཟད། རང་ཁྱིམ་དུ་ཚིག་སྦྱོར་གྱི་ཐ་སྙད་བེད་སྤྱོད་བྱེད་སྟངས་རྣམས་ཡག་པོ་ཤེས་རྟོགས་ཐུབ་ཀྱི་ཡོད། གཞི་རིམ་གྱི་གནས་ཚད་འདི་དག་ཕྲུ་གུ་རྣམས་སློབ་གྲྭར་འཛུལ་ཞུགས་མ་བྱས་གོང་ནས་ཡོད་མུས་ཡིན།

རྒྱས་པར་གཟིགས...