• vtem news box

སློབ་ཚན། དགག་སྒྲ།

ཟླ་ཚེས།  ༢༠༡༧/༡༠/༡༧      དུས་ཡུན་ཆུ་ཚོད། ༡        ཉིན།              སློབ་ཚན།   དགག་སྒྲ།                   འཛིན་གྲྭ།  ༧

སྤྱིར་དམིགས་ཡུལ།                                                                                                                                       སློབ་མ་རྣམས་ཀྱིས་དགག་སྒྲ་ཤེས་པའི་བརྒྱུད་རིམ་ནས་བོད་ཀྱི་སྐད་ཡིག་གི་གནས་ཚད་མཐོར་འདེགས་ཡོང་བར་བྱ་རྒྱུ།            

བྱེ་བྲག་དམིགས་ཡུལ།    

$1ü  སྤྱིར་དགག་སྒྲའི་གོ་དོན་ངོ་འཕྲོད་པ་བྱ་རྒྱུ།

$1ü  མ་མི་མིན་མེད་ཕྲད་བཞི་པོ་མིང་གི་ཐོག་མཐའ་བར་གསུམ་དུ་འཇུག་ཚུལ་གསལ་བར་ངོ་འཕྲོད་པར་བྱ་རྒྱུ།

$1ü  མ་མི་མིན་མེད་མིང་ཚིག་ལ་འཇུག་པ་ཤེས་པ་བྱ་རྒྱུ།

$1ü  དཔེར་བརྗོད་ཀྱི་ཐོག་ནས་དགག་བྱའི་དོན་ངོ་འཕྲོད་པ་བྱ་རྒྱུ།

$1ü  སློབ་མ་རེ་རེ་བཞིན་དག་སྒྲའི་ཕྲད་མ་ནོར་བར་སྦྱོར་ཚུལ་ཤེས་པ་བྱ་རྒྱུ།

རྟོག་ཞིབ།            ༼སྐར་མ། ༤༽                    

$1ü  སློབ་མ་རྣམས་ཀྱིས་དགག་སྒྲའི་ཕྲད་སྦྱོར་ཚུལ་ཤེས་མིན་རྟོག་ཞིབ་ཆེད་“ མི་ཡུལ་དུ་སྐྱིད་པོ་མི་འདུག”ཅེས་ནག་པང་སྟེང་དུ་་བྲིས་པའི་མི༵་ཡིག་དགག་སྒྲའི་ཕྲད་ཡིན་མིན་རྒྱུ་མཚན་དང་བཅས་ངོས་འཛིན་བྱེད་དུ་བཅུག་རྒྱུ།

$1ü  སློབ་མ་རྣམས་ཀྱིས་དགག་སྒྲའི་གོ་དོན་ཤེས་མིན་རྟོག་ཞིབ་ཆེད་“དགག་སྒྲ་ཟེར་ན་གང་ཡིན་ནམ།”ཞེས་རིག་པ་རབ་འབྲིང་མཐའ་གསུམ་གྱི་སློབ་མ་རྣམས་ལ་དྲི་བ་དྲིས་ཏེ་སློབ་མའི་ཤེས་ཚད་རྒྱུས་ལོན་བྱ་རྒྱུ།

མྱོང་བ།

$1Øཐོག་མར་མངོན་བརྗོད་རྩ་བ་ཀློག་འདོན་བྱ་རྒྱུ།

$1Øསློབ་མ་རྣམས་ལ་དུས་ཡུན་སྐར་མ་གཅིག་རིང་ལུས་ངག་ཡིད་གསུམ་གྱི་བྱེད་མི་རུང་བའི་གནད་དོན་གསུམ་ཐོག་སྒོམ་བསྐྱོན་བཅུག་རྒྱུ།        ༼སྐར་མ། ༡༽

$1Øསློབ་ཚན་གྱི་སྔོན་གླེང་དང་སྦྲགས་འཆད་ཁྲིད་གཙོ་བཟུང་ཐོག་དགེ་རྒན་གྱིས་སློབ་འཁྲིད་འགྲེལ་བརྗོད་བྱེད་རྒྱུ་ཡིན།

 

༼སྐར་མ། ༡༥༽

  1.         ) གོ་དོན། མ་མི་མིན་མེད་བཞི་དགག་བྱའི་ཐོག་མཐའ་གང་རུང་ཞིག་ཏུ་སྦྱར་བའི་མ་ཡིན་སོགས་དོན་དེ་འགོག་པ་   
  2.                      ཞིག་ལ་ཟེར།       (ནག་པང་སྟེང་ནས་འགྲེལ་བརྗོད་བྱ་རྒྱུ།)
  3.         ) ཕྲད།  མ། མི། མིན། མེད།   (ནག་པང་སྟེང་ནས་འགྲེལ་བརྗོད་བྱ་རྒྱུ།)
  4.         ) སྦྱོར་ཚུལ། མ་མི་གཉིས་མིང་གི་ཐོག་མ་དང་མིན་མེད་གཉིས་མིང་གི་མཇུག་ཏུ་སྦྱོར་དགོས་པ་ཡིན། མ་ཡིག་བར་    གྱི་གསལ་བྱེད་ལ་འཇུག་པ་ཡང་ཡོད།  
  5.  (ཤོག་བྱང་སྟེང་ནས་འགྲེལ་བརྗོད་བྱ་རྒྱུ། )

                  

         ) དཔེར་བརྗོད།    མ། མ་རེད།       མིན།  འབྲོག་པ་མིན།        

  1.                      མི། མི་འདུག      མེད། དངུལ་མེད།
  2.                      མ། ར་མ་ལུག   (ཤོག་བྱང་སྟེང་ནས་འགྲེལ་བརྗོད་བྱ་རྒྱུ། )

         ) ལྗོན་དབང་རྩ་བ།

  1.                      མ་མི་མིན་མེད་དགག་སྒྲ་སྟེ། །
  2.                      མ་མི་ཐོག་མ་མིན་མེད་མཇུག །
  3.                      མ་ནི་བར་གྱི་གསལ་བྱེད་ལའང་། ། (སློབ་དེབ་སྟེང་ནས་འགྲེལ་བརྗོད་བྱ་རྒྱུ། )

          ) མ་མི་མིང་གི་ཆ་ཤས་ལ་འཇུག་པ།  ཨ་མ།  རྫ་མ།  མི་རིགས། མི་ཡུལ། (སློབ་དེབ་སྟེང་ནས་འགྲེལ་བརྗོད་བྱ་རྒྱུ། )

$1Ø  སྡེ་ཚན་ཆ་བགོས་ཀྱིས་གཤམ་གྱི་དུམ་མཚམས་བཀླགས་ནས་དགག་སྒྲའི་ཕྲད་དང་མིང་ཚིག་སོ་སོར་ངོས་བཟུང་སྟེ་དོན་གང་ཞིག་བཀག་མིན་གྲོས་བསྡུར་གྱིས་འགྲེལ་བརྗོད་བྱེད་བཅུག་རྒྱུ་ཡིན།     

      ༼སྐར་མ། ༣༥༽

༡༽ དུམ་མཚམས།

        ཨ་མ༵་ལགས་ལ་དངུལ་མང་པོ་མེ༵ད་ཙང་ཚོང་པ་མི༵་དེའི་སར་རྫ་མ༵་བཟོ་ཡ་སོགས་ཕྱག་ལས་གནང་དུ་མི༵་ཕེབས་ཐབས་མེ༵ད་རེད།ཁོང་གིས་ཉིན་མཚན་མེ༵ད་པར་ཤི་མ༵་གསོན་གྱི་སྐུ་ལས་བསྐྱོན་ཀྱང་སྡུག་ཡུས་ནམ་ཡང་གསུངས་མ༵་མྱོང་།བྱས་ཙང་སློབ་ཕྲུག་ང་ཚོས་ཨ་མ༵ས་སྐུ་ལས་བསྐྱོན་པ་རྣམས་ནམ་ཡང་ཆུད་ཟོས་སུ་གཏོང་གི་མི༵ན་བསམས་པའི་ཐོག་ནས་སློབ་ལ་འབད་བརྩོན་བྱེད་གལ་ཤིན་ཏུ་ཆེའོ།

༢༽ བཀའ་སློབ་སྙིང་གི་ནོར་བུ།

$1Ø  སྡེ་ཚན་ཆ་བགོས་ཀྱིས་གོང་གསལ་དུམ་མཚམས་དང་བཀའ་སློབ་སྙིང་གི་ནོར་བུ་བཅས་ཀྱི་ནང་གསལ་མ་མི་སོགས་དགག་སྒྲའི་ཕྲད་ཡིན་མིན་སྐོར་གོ་བསྡུར་བྱེད་དུ་བཅུག་རྒྱུ་དང་། སྡེ་ཚན་སོ་སོས་དུམ་མཚམས་ནང་གསལ་མ་མི་སོགས་དགག་སྒྲའི་ཕྲད་ཡིན་མིན་རྣམས་ནག་པང་སྟེང་དུ་བྲིས་ནས་རྒྱུ་མཚན་དང་བཅས་འགྲེལ་བརྗོད་བྱེད་དུ་བཅུག་རྒྱུ།

རྒྱ་སྐྱེད།

$1Ø  སྡེ་ཚན་སོ་སོས་འགྲེལ་བརྗོད་གནང་བར་སྡེ་ཚན་ནང་ཁུལ་དྲི་བ་དྲིས་ལན་གནང་རྒྱུ། ༼སྐར་མ། ༥༽

$1Ø  ནང་སྦྱོང་། ཁྱིམ་ཚང་ནང་དུ་མཐོང་ཐོས་མྱོང་གསུམ་དང་འབྲེལ་བའི་དགག་སྒྲའི་ཕྲད་མ་མི་སོགས་ཡོད་པའིི་དཔེར་བརྗོད་ལྔ་རེ་རྒྱུ་མཚན་དང་བཅས་ཁ་གསལ་བྲི་རྒྱུ།

 

 

ཁྲིད་ཆས།            

) ནག་པང་།    ) གྱང་སྦྱར།    ) དཔེར་བརྗོད་དུམ་མཚམས་ཅན་གྱི་ཤོག་ལྷེབ།   ) གློག་ཀླད།   ༥)སློབ་དེབ།  ༦)བཀའ་སློབ་སྙིང་གི་ནོར་བུ།

$1Øལེགས་ཆ།

༡། སློབ་འཁྲིད་ཐོག་མར་སྒོམ་བསྐྱོན་བཅུག་པ་དེ་ཧ་ཅང་གི་ལེགས། སློབ་ཚན་གང་འདྲ་ཞིག་ཡིན་རུང་སྐར་མ་ ༥ ཙམ་ཡ་རབས་བཟང་སྤྱོད་སྐོར་སློབ་གསོ་སོགས་ཀྱི་ལས་རིམ་སྤེལ་རྒྱུའི་གྲོས་ཆོད་བྱུང་དོན་ལྟར་དང་། ཆོས་ལུགས་ལ་མ་བརྟེན་པའི་ཡ་རབས་བཟང་སྤྱོད་ལ་སྐུལ་བའི་དཔེ་མཚོན་བཅུའི་ནང་ཚན་སྤྱོད་བཟང་གི་དྲན་ཤེས་དང་དྲན་པ་ཉེར་བཞག་ལ་ཕན་ཞིང། སྒོམ་བྱའི་དོན་དང་བསླབ་བྱའི་སློབ་ཚན་དབར་འབྲེལ་བ་དམ་ཟབ་ཡོད་པ་བཅས་སོ།                                                                                                              ༢། འཁྲིེད་ཆས་མང་པོ་ཡོད་པ་དེ་དག་སློབ་འཁྲིད་གཞོགས་འདེགས་ཡོང་བར་སྨན་པ་ཤ་སྟག་ཡིན། དཔེར་ན་དཔེར་བརྗོད་དུམ་མཚམས་ཅན་གྱི་ཤོག་ལྷེབ་ལྟར་ཕ་མར་བཀའ་དྲིན་བསམ་ཤེས་དང་བཀའ་སློབ་སྙིང་གི་ནོར་བུ་བཀླགས་ཏེ་སྐད་ཡིག་ཡར་རྒྱས་ཙམ་དུ་མ་ཟད་པའི་ཡ་རབས་བཟང་སྤྱོད་ཡག་ཏུ་འགྲོ་བ་སོགས་ལ་ཕན་ཐོགས་ཆེ།  ཤོག་བྱང་བེད་སྤྱོད་བྱས་པས་དུས་ཚོད་བསྲི་ཚགས་བྱེད་ཐུབ་པའི་ཕན་ཐོགས་ཆེ།                                                                                                                                                     ༣། འཁྲིད་ཐབས་ལེགས་པ། སྡེ་ཚན་སོ་སོ་གོ་སྡུར་གྱིས་ནག་པང་སྟེང་ནས་འགྲེལ་བརྗོད་བྱེད་སྐབས་སློབ་ཕྲུག་རྣམས་ཉོབ་སྣང་མེད་པ།                    ༤།  ནང་ལས་འབུལ་སྟངས་ལེགས་པ། ཉིན་རེའི་བྱ་གཞག་དང་ཟུང་འབྲེལ་ཐུབ་པ།

$1Ø  ཞན་ཆ།                                                                                                                                                                          སྡེ་ཚན་ཆ་བགོས་ཀྱིས་གྲོས་སྡུར་བྱ་རྒྱུ་དང་འགྲེལ་བརྗོད་སོགས་ཀྱི་བྱེད་སྒོ་མང་བའི་རྐྱེན་གྱིས་དུས་ཚོད་ཏོག་ཙམ་མ་འདངས་པ།

$1·        གསལ་བཤད། སློབ་ཚན་མ་འཁྲིད་སྔོན་དུ་གཤམ་གསལ་བོད་དགེ་ལྷན་འཛོམས་ཀྱིས་སློབ་ཚན་འཆར་འགོད་དང་པོ་བཟོས་ཤིང། སློབ་འཁྲིད་བྱས་ཚར་རྗེས་བསྐྱར་དུ་བོད་དགེ་ལྷན་འཛོམས་ཀྱིས་སློབ་ཚན་འཆར་འགོད་ཏོག་ཙམ་བཟོ་བཅོས་ཀྱིས་སློབ་ཚན་འཆར་འགོད་གཉིས་པ་བཟོས་པ་ལགས་སོ།

བོད་དགེ་བུ་ཕྲུག་ལགས།

བོད་དགེ་སྐལ་ལྡན་ལགས།

བོད་དགེ་ཚེ་རིང་མགོན་པོ་ལགས།

བོད་དགེ་སྲིད་གཅོད་ཚེ་འཕེལ།